Балтач волонтерлары ерак сәфәрдән кайтып җитте

«Дамир Исламов исемендәге хәйрия фонды»ның Балтачтагы филиалы волонтерлары махсус хәрби операция зонасында гуманитар ярдәмне тапшырып, исән-сау туган якларга кайтып життеләр.

Егетләр бу юлы Луганск һәм Донецк Халык республикаларында, Запорожье, Херсон якларындагы солдатлар белән очраштылар.

«Егетләрдән Балтач районы халкына рәхмәт сүзләре, сәламнәр алып кайттык. Кайтканда Мәскәүдән блиндаж шәмнәре ясар өчен парафин алдык. Безнең егетләр бу шәмнәрне бик сорыйлар, чөнки алгы сызыкта аларны куллануы бик уңайлы һәм кирәк. Бүген үк шәмнәрне ясарга керешәбез. Безгә ярдәмгә килгән район халкына, мәктәп коллективларына зур рәхмәт!»- диләр волонтерлар.