Арборлылар “Наз”дагы өлкәннәргә бәйрәм ясады (фото)

Концертны мәдәният йорты җитәкчесе Марат Габделхаков баянда көй уйнау белән башлап җибәрде. Әлеге чара төрле шаян мәзәкләр, такмаклар, дәртле биюләр, моңлы җырлар белән бергә аралашып барды. Концертның беренче минутыннан ук бәйрәмчә кәеф хөкем сөрде. Рафилә Һадиева, Әкълимә Хәбибуллина һәм Зәлидә Галимовалар башкарган җырлар өлкәннәребезнең күңелендә якты истәлек булып кереп калды. Тернәкләнү узучылар әлеге матур концерт күрсәткәннәре өчен оештыручыларга рәхмәтләрен, теләкләрен җиткерделәр. Мондый чаралар тернәкләнү узучыларның күңелләрен күтәреп, алга таба яшәргә көч, сәламәтлекләрен ныгыту өчен мөмкинлек бирә.