Якташ-каләмдәшләр тик ятмый, бер-бер артлы китап чыгара

Янәдән бер каләмдәшебез Зәмирә Сәмигуллинаның "Кем син, насыйп яр" исемле китабы дөнья күрде. Әлеге җыентыкта авторның авыру баласын сәламәтләндерү өчен көрәшүче көчле хатын-кыз, ялгыз яшәүче укытучы ханым язмышын тасвирлаган "Һәркемнең үз сукмагы" повесте урын алган. Һәм төрле елларда иҗат ителгән хикәяләре тупланган. Аларда кеше һәм җәмгыять, ир белән хатын мөнәсәбәтләре кебек темалар яктыртыла; гаделсезлек, җавапсыз мәхәббәт, хыянәт, әдәпсезлек проблемалары күтәрелә.

Язучы фикеренчә, һәр җинаятьнең нигезендә әхлаксызлык ята. Ачы язмышка дучар булып та, үз-үзен югалтмаган, чиста, саф күңелле хатын-кыз образларын Зәмирә бик яратып сурәтли. Укырлык, уйланырлык, үз тормышыңа да нәтиҗәләр ясарлык китап.