Һөнәри адымнар

Ильнур, 13 октябрь 2016 - 10:59

2363

Укытучыларның август киңәшмәсендә район мәгариф идарәсе җитәкчесе Алия Зәкиева үз чыгышында балаларны төрле һөнәрләр белән таныштыру юнәлешендә эшләргә кирәклеге турында әйткән иде.

Шул уңайдан Балтач гимназиясенең 6 В сыйныфы укучылары, әти-әниләре белән бергәләп, Казанның Волейбол үзәгендә экскурсиядә булдылар. Алар сыйныфташлары Тимерхан Әкбәровның әтисе эшли торган урын белән таныштылар. Аның эш үзенчәлекләрен белештеләр. Казанның "Зенит" һәм Мәскәүнең "Динамо" командалары уенын карадылар. "Зенит"командасы өчен җанатып, аларның җиңүләренә шатландылар. Укучылар әлеге экскурсияне бик ошаттылар һәм оештырган өчен Әкбәровлар гаиләсенә рәхмәтләрен җиткерделәр.

Р. Әхмәтова сыйныф җитәкчесе