Балтачта үзенчәлекле “Кичке уен” үткәрделәр (+фоторепортаж)

"Кичке уен" дип аталган җыр-биюгә бай бәйрәмгә халык хәйран җыелды. Чараны оештыручы "Факел" клубы хезмәткәрләре әйдәгез танышабыз, тәңкә салыш, капкалы, наза, егетләргә каршы кызлар такмаклар әйтү, гармунчы уйнаган көйләрне танып җырлау, табышмаклар әйтү кебек уеннар уйнатып, алар арасында төрле милләт биюләрен дә биетеп алдылар. Мөршидә, Рашидә, Нурия, Рауза, Мәүлизә апалар үзләренең челтерәп аккан сулардай чиста тавышлары белән җырлап, тирә-юньгә моң тараттылар. Эх рәхәт тә соң татар халкының танылган җырларын тыңлау, өлкән буын кешеләренең чын күңелдән моңлануларын күзәтү. Җыр-моңга гашыйк һәркем чарада катнашу мөмкинлеге алса да, читтән генә күзәтеп торучылар да табылды. Моңланган, биюләр белән дәртләнгән өлкәннәребезгә яңгыр да комачаулый алмады. Афәрин!