1нче номерлы бакча балалары көзгә сәяхәт кылды

Көзнең ямьле, алтынсулыкка төренгән көннәренең берсендә 1нче номерлы балалар бакчасына йөрүче балаларны табигать почмагына экскурсиягә алып бардылар. Биредә балалар рәхәтләнеп уйнап кына калмыйча, үзләрен кызыксындырган сорауларга җаваплар ишетә алдылар. Шулай ук бары көз көне генә була торган яшел, сары, кишер сары, кызыл төсләргә манылган яфракларны күзәтеп, табигатьнең гүзәллегенә ихластан сокланып кайттылар. Әле өйләренә кайткач та алар әлеге экскурсия турында әти-әниләренә сөйләп, үзләренең тәэсирләре белән уртаклаштылар. Ә әти-әниләр балаларын ихластан куандыра алган тәрбиячеләргә рәхмәтләрен ирештерделәр.