Татарстан – минем Республикам!

Татарстан-минем туган җирем,
Казан - безнең данлы башкала.
Ил буенча барган барлык эштә
Республикабыз гел мактала.

Игенчеләр икмәк үстерәләр,
Икмәк бит ул - тормыш тоткасы.
Икмәк булса, җыр да була, диләр
Ул җырларны безгә җырласы.

Илдә күпме нефть чыгаралар -
Аның яртысы бит безнеке.
Чаллы "КамАЗ"лары дөнья гизә -
Барысы да үзебезнеке.

Сөт "диңгезе" ага фермаларда
Шул сөттән май, сыр ясала.
Ит, сөт җитештерүдә гел алда
Совхозыбыз шулай дан ала.

Себер урманнары җырларда да
Мактап җырланганын беләбез.
Туган ягым урманнары һич тә
Алардан ким түгеллеген күрәбез.

Авылыбыз безнең шундый матур:
Зур мәктәбе, асфальт юллары...
Бу бит әле бөтен уңайлыкның
Берничәсе генә нибары.

Мондый бәхет кемгә тигән әле
Тик кадерен генә беләсе.
Туган җирнең кадерләрен белеп,
Аны гөл-чәчәккә күмәсе.