Балтач мәктәбенең 4нче "б" сыйныфы укучылары “Тукай эзләре” буйлап үтте

Ильнур, 3 июль 2015 - 11:49

2771

Балтач урта мәктәбенең 4нче "б" сыйныфы укучылары чыгарылыш кичәсен мәңге күңелләрдә калырлык итү максатыннан, ямьле җәйнең бер көнендә укытучылары Фәридә Низамова белән Тукай Кырлайга сәяхәт кылдылар.

Балтач мәктәбенең 4нче "б" сыйныфы укучылары “Тукай эзләре” буйлап үтте

Бик тә үзенчәлекле, истә кала торган, тәрбияви экскурсия булды ул. Укып, ишетеп белү бер хәл, ә Тукай эзләрен саклаган урыннарда булу, кулъязмаларын якыннан күрү, Шүрәле белән күзгә-күз очрашу бөтенләй башка. Әйдәгез, үзегездә дә ул урыннардан бер үтегез әле, фотосурәтләрдә генә булса да һәм моның шулай икәненә инанырсыз.