Кече Лызи укытучылары бердәм булулары белән көчле

Шундый коллектив белән генә эштә югары нәтиҗәләргә ирешергә, прогрессив инновацион технологияләрне, методларны кулланып, замана белән бергә атларга мөмкин. Балаларга югары һәм урта белемле 34 педагог белем бирә. Аларның өчесе югары, егерме бише беренче квалификацион категорияле. Укытучылар һөнәри ярышларда актив катнашалар һәм җиңүләргә ирешәләр. "Ел укытучысы", "Укытучы-остаз", "Укытучы-мастер", "Ел сыйныф җитәкчесе" бәйгеләрендә актив катнашып, призлы урыннарны яулыйлар. Мәгариф хезмәткәрләренең җәйге һәм кышкы спартакиадаларында алдынгы урыннарга һәм җиңүче дәрәҗәләренә ирешәләр. Үзешчән сәнгатьтә дә сынатмыйлар.