Кенә мәктәбе укучылары «Һөнәрләр кичәсе»н зарыгып көтеп ала

- Һөнәр сайлау ул бик тә җаваплы эш. Мин яхшы пешекче булачакмын, дигән уйны күңелемә кечкенәдән салып куйган идем. Пешекче бит бөтен һөнәр ияләренә дә кирәкле кеше. Моңа ничек ирешергә соң? Югары әхлак, телең, тарихың, халкың белән горурлану… - болар синең аерылгысыз сыйфатларың булырга тиеш. Әлбәттә, хезмәт сөючәнлегең, тырышлык, чисталык, намуслылыгың булмаса, алга куйган максатыңа ирешә алмассың, - дип сөйләде Әлфия апа.

Шулай ук үз эшенең остасы, Балтач, Арча якларына данлыклы булган токарь Гомәр абый да бездә кунакта булды. Ул укучыларны токарь һөнәренә төшенергә өндәде, җәмгыятькә бик кирәкле профессияләрнең берсе дип ассызыклады. Аның өчен математика, сызым фәннәрен әйбәт белергә кирәк дип, киңәш бирде. Укучыларга токарный станокта мастер-класс күрсәтеп, балаларны шаккатырды. Кулларына күз иярми, үзе җитез, төгәл, пөхтәлеге белән үзенә җәлеп итте ул егетләр һәм кызларны. Без аны тагын үзебезгә осталыгы белән уртаклашырга чакырып калдык, дип хәбәр итәләр Кенә мәктәбеннән.