Хастаханә эшләп торсын

Йөткерүем көчәеп, тыным бетеп, хәлем авыраюга балаларым хастаханәгә илтә. Кайсы гына табибка туры килмим, берсенең дә караңгы чырай күрсәткәне булмады.

Терапия бүлеге табиблары Рүзәл Камалиев, Илдар Сәлахов минем кебек олыларны аеруча хөрмәт белән дәвалый. Шәфкать туташлары Г. Әхмәдуллина, Г.Исмәгыйлева, Ф.Минзянова, Р.Галимова, З.Хаҗиева, Ф.Низаметдинова, Л.Мөхәммәдиева, Р.Габдрахманова, Л.Хәлимова, Г.Галимҗанова, Г.Хәйруллинаның бер җылы сүзе, йомшак кулы үзе үк җанга дәва. Санитаркалар В.Әхмәева, Ф. Сабирова, К.Камәртдинова, М. Ризванова, Г.Гарифуллина палатадагы, бүлектәге чисталыкны даими кайгыртып торалар. Хуҗалык мөдире Ф.Җиһаншина һичнәрсәгә кытлык тудырмый. Вакытлыча гына булса да аякка бастырып кайтаралар, рәхмәт яусын. Аннан кайткач, биш вакыт намазымны да иркенләп укыйм, өйдәге вак-төяк эшләрне дә башкарам. 70 яшьтән узсам да, эшләп яшисе, эшләп ярыйсы килә бит ул. Район хастаханәсе генә эшләп торсын, табибларыбыз авырмасын. Кешеләрдән рәхмәтләрне күбрәк ишетсеннәр, халык арасында гел мактаулы булсыннар.