Көздән өмә ясаганнар язын нишли

Тәртипне, чисталыкны яратучы оешма-учреждение коллективлары көзен дә җыйнаулашып өмә ясап алды. Яфраклы агачлы территорияләрен Көзнең үзгә яме - алтын-сары яфраклардан арындырдылар. Аяк астында матур булып сарылып ятсалар да, баскан саен төрле аваз чыгаргандай шыгырдап торсалар да, кыш буе череп ятып, карлар эрегәч алардан ямьсез күренешләр генә калачак шул. Ә болай яуган карлар да чистартылган җиргә ап-ак булып ятты... Көздән өмә ясаганнар язын территориясен җиңелчә генә себереп куяр инде....