Түнтәрдә чишмәләр яңа сулыш ала

Түнтәр авылында соңгы елларда чишмәләр төзекләндерүгә күп игътибар бирелә. Узган ел халык телендә «Авыл чишмәсе» дип йөртелүче чишмәне төзекләндереп, халыкка су алу өчен бик уңайлы итеп эшләп куйганнар. Быел исә үзара салым акчасына авыл халкы тагын бер чишмәне төзекләндерүне сораган. Ансы кечкенә генә булуга кармастан, суы бик яхшы, юшкынсыз икән. Авыл халкының теләген җирлек башлыгы бик теләп үтәргә керешкән. Әлегә эшләр тәмамланмаса да, инде эшләнгән кадәреннән дә халык мәнфәгатьләре кайгыртулуы күренеп тора.