Район мәгариф идарәсе җитәкчесе Ренат Мөхәрләмов чыгышыннан өзекләр
1 сентябрьдә Балтач районы мәктәп парталары артына 3700дән артык бала утырачак, шуның 306сы беренче сыйныф укучысы. Быел 100 укучыга кимүнең сәбәбе 1 нче сыйныфларга керүчеләр кимү, 9 нчы сыйныфтан 60 процент укучының китүе һәм 10 нчы сыйныфтан соң китүчеләрнең күп булуы. Быел без бер генә кыскарту чарасы да уздырмадык, 1 генә укучысы булган мәктәпләр дә эшләп калды. Бала саны күпләп кимегән очракта, оптимизация чаралары котылгысыз булачак.
