Зур нәселнең Дәү абыйсы
Кеше яшәгән саен зирәкләнә, тәҗрибә туп-лый. Тормышчан, төпле акыллы, һәрвакыт киңәшкә, ярдәмгә әзер Олы кешегә әверелә, диләр. Әмма, килешәсездер, тормышта кайчакта олыгаеп та, өлкән кеше була белмәгән, өлкән кеше статусына лаек була алмаган кешеләр дә очрый. Шул ук вакытта яшьтән үк өлкәннәрчә басынкы, төпле фикерле, ипле кешеләр була. Алтыдагы алтмышка дигән күк, шөкер, андыйлар да үзгәрми. Язмам герое – Кариле авылының хөрмәтле кешесе Шакиров Нурислам Мәгъсүм улы да әнә шул икенче төркемгә карый.
