Биологик чистарту корылмасы төзекләндерелде

Чараның башында ук әлеге корылма төзекләндерелеп, сафка бастыруда күп көч керткән ТР Энергия саклаучы технологияләрне газлаштыру һәм инженерлык челтәрләре үсеше фондының генераль директоры киңәшчесе Марат Хәевич Зариповка, әлеге фондның баш инженер урынбасары Дамир Илдар улы Хәбибуллинга һәм «УКС» оешмасының генераль директоры Мәгъдүт Мәхмүт улы Гатауллинга район башлыгының Рәхмәт хатлары тапшырылды. Санитар-экология икеайлыгы нәтиҗәләре буенча «ЭКОВесна 2016» конкурсының «ЭКОПредприятие» номинациясендә җиңү яулаган район күптармаклы торак-коммуналь хуҗалыгы ТР Экология һәм табигый байлыклар министрлыгының Мактау таныклыгы белән бүләкләнде.
Чараның төп өлешендә биологик чистарту корылмасының соңгы елда нинди үзгәрешләр кичерүен, бүген анда нинди эшләр башкарылуы һәм киләчәктә тагын нинди максатларны тормышка ашырып булуы турында сүз алып барылды. Шулай ук безнең район күп кенә башка районнарга үрнәк итеп куелды. Әлеге семинар барышында бүтән район һәм шәһәрләрдән килгән кунаклар территория эчендәге чисталык, күз явын алырлык итеп үскән чәчәкләрне, яңартылган корылмаларны күреп, соклану хисләрен белдерделәр. Кайберләре фотоларга төшереп, үзләрендә шундый гүзәллекне тудырырга кирәклекне дә искәртеп уздылар.