Гаскәр кеби тезелеп киткән кычытканы, чүп үләне

Авылларда юл кырыйлары чабылмаган урыннар да бар. Юл хуҗалыгы эшләрен башкаручы оешма техникасы олы юл тирәләрен чаптыртып үтә, әмма дамба асларына кадәр төшми, имеш ул анда төшә алмый. Берәр үҗәт авыл җирлеге рәисе булса, ничек итсә итә, дамба асларын да чаптырта инде " миңа җитәкчелек өске өлешне генә чабарга кушты" дип тәкърарлаган тракторчыга. Чөнки ул җирләр юл хуҗалыгыныкы. Ә авыл эчләре кала, анысын инде җирлек рәисләренә аерым оештырасы. Гаскәр кеби тезелеп киткән кычытканлы, чүп үләнле юл кырыйлары юк түгел, җирлегеңне бер әйләнеп чыгу да җитә, авылга кергәндә дә каршы алалар, чыкканда да озатып калалар.