Хезмәт

Балтач районы

16+
Төрлесе

“Хезмәт”ебезне яраталар (фото)

Юк, бу һич кенә дә мактану түгел. Яраталар. Даими укучыларыбыз да, тәүге күнекмәләрне редакциябездә алып, аны тормышта кулланган егет-кызлар да.

Икенче төрле әйтсәк практикантлар бик яратып кайта "Хезмәт"ебезгә. Алай да берара туктап тордылар. Ул вакытларда ничектер күңелсез дә иде әле. Җәй җиттеме күңелгә нидер җитми башлый, ә практикага берәрсе килү белән коллективта бөтенләй башка тормыш башлана. Яшьләр бит, шуңа да аларга карап кире яшьлеккә кайтасың. Элегрәк елларда "Хезмәт"тә бары тик булачак журналистлар гына практика үтсә, хәзер секретарь-референтлар да күнекмәләрен ныгыта. Түнтәр авылыннан Гөлшаһидә Шәрәфиева, Соснадан Алинә Нәҗипова хезмәттәшебез Энҗе Зарипова җитәкчелегендә практика үтеп, документлар белән эшләү, компьютерда эшләү күнекмәләрен камилләштерде.

Ижау шәһәрендә журналист һөнәрен үзләштерүче Чепья авылы кызы Наталья Жукованы да бик яратып калдык. Наталья практикасын веб-редакторыбыз Фирдус Шакиров җитәкчелегендә үтте. Сайтыбызга язмалар урнаштыру белән беррәттән үзенең иҗат җимешләре белән дә куандырды.

Атна башыннан исә бездә үткен телле журналист буларак танылып килүче Ландыш Гарифуллина практика үтәчәк. Ландыш югары белем алганнан соң укуын аспирантурада дәвам итә. Уку чорында ул ел саен "Хезмәт"ебездә практика үтеп, каләмен чарлый иде.

Менә шулай, яраталар безне. Практика тәмамлангач, тәмле тортлар пешереп кунак та итәләр үзебезне.

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: 250

erid: 2Vtzqwfh92B