Кариледә ут та янмый, юл да юк?

Ильнур, 3 декабрь 2016 - 05:11

2434

Кариле авылында урам утлары кичке биштән соң гына яна. Ул вакытта балалар мәктәптән кайтып бетә бит инде, балалар бакчасына йөрүче балаларны да караңгыда алып кайтырга мәҗбүрбез. Норма ягында алай түгел бит, утлар вакытында яна, ни өчен безгә генә шундый караш соң? Шулай ук юллар да чистартылмый, көчкә йөрибез, дип шалтырату...

Әлеге шалтыратуны кабул итеп алганнан соң Карилегә төшеп, юлларны карарга булдым. Дөрес, юллар чиста, тик вакытында чистартылмау сәбәпле колея барлыкка килгән. Ике машина узышканда абайламыйчарак юл кырыена чыгарга уйласаң, машина белән идарә итүне дә югалтырга мөмкинсең. Димәк, биредәге җирлек җитәкчеләре авыл халкының моң-зарын ишетсә иде.