Районның зур Казанында кайнап яшәүчеләр

Районда нинди генә чара булмасын, рәсмиме ул, күңел ачумы, укытучылардан, тәрбиячеләрдән башка берсе генә дә узмый. Киңәйтелгән җыелышлар булса мәгариф хезмәткәрләрен калдырасы түгел, мәдәни-спорт чараларына да аларны тартасы, бизәү-төзекләндерүгә җәлеп итәсе, инде килеп сәүдәдә дә катнаштырасы. Сер бирми бу мәгариф халкы, сәхнәсен дә дер селкетә, сәүдәсен дә гөрләтә. Бу ярминкәгә кадәр узганында да матур итеп сату итте, аларның сәүдә нокталарының бизәлеше үк үзгә иде. Афәрин, дип мактау белән беррәттән районның Зур Казанында шулай бик актив рәвештә кайнап яшәүләре өчен рәхмәт тә белдерәсе килә.