«Агрохимсервис» берләшмәсе базасында язгы кыр эшләре буенча укулар булды

Ильнур, 3 апрель 2014 - 09:09

2437

Бүген, быелгы язгы кыр эшләре нәрсәсе белән үзенчәлекле, безнең җирләрдә нинди агротехник чаралар куллану, нинди культуралар, аларның нинди сортларын игү, ашламаларны ничек куллану отышлы һәм язгы кыр эшләрендә кирәк булачак башка күп мәгълүматлар буенча белем өстәү өчен район хуҗалыклары җитәкчеләре, агрономнары «Агрохимсервис» берләшмәсе базасына укырга килделәр.

Алар алдында район авыл хуҗалыгы һәм азык-төлек идарәсе консультантлары, Казаннан килгән белгечләр, галимнәр сөйләделәр, соңгы елларда игенчелек өлкәсенә кертелгән яңалыклар, тәҗрибәләр белән таныштырдылар. Муниципаль район башлыгы Рамил Нотфуллинның да катнашуы бу укуларның кирәкле һәм районда игенчелекне алга җибәрүдә әһәмиятле бер чара икәнлеген күрсәтә.