Балтачта сулыклардагы ясалма кичүләргә тыюлар куелачак

ЮХИДИ идарәсеннән хәбәр итүләренчә, һәлакәт 11 октябрь иртәсендә булган. 25 яшьлек йөртүче, авыл хуҗалыгы техникасы өчен кулдан ясалган күпергә керер алдыннан юл катламының үзлекләрен искә алмаган һәм идарәне югалткан, машина су каналына төшеп киткән. Йөртүче һәм андагы алты пассажир бозлы суда тончыгып үлгән. Машинаның җәйге тәгәрмәчтән булуы да әйтелә. Мөгаен, шуның аркасында йөртүче идарәсен югалткандыр да.

Менә шушындый фаҗигалар булмасын өчен кышкы сезонга кергәндә елгаларда, юлларда аеруча игътибарлы булу таләп ителә. Безнең районда Шушма, Кугуборка, Көшкәт, Арборка елгалары аша үзбелдекле салынган кичүләргә «чыгарга ярамый» дигән билгеләр куярга кирәк. Андый урыннарны бөтенләй йөрмәслек итеп томалап кую тагын да яхшы. Тиздән елгалар өстен боз каплар. Фаҗига булмасын өчен монда алдан чарасын күрергә кирәк. Боз өстендә балык тотарга яратучыларны вакытыннан алда һәм теләсә кайдан сулыкларга керүне тыярга кирәк. Гадәттән тыш хәлләрне кисәтү һәм бетерү буенча район комиссиясенең соңгы утырышында сүз алда торган кышкы чорда район сулыкларында халыкның куркынычсызлыгын тәэмин итү буенча чаралар турында барды. Җирле үзидарәләргә, мәктәпләргә тиешле күрсәтмәләр җибәрелде.