Борнакта күмәк эшлиләр

Борнак җирлегендә 2015елда үзара салымнан җыелган акчаны кайда тотарга дип аптырап тормаганнар, үзәк урамны тиешенчә йөрерлек итеп тәртипкә китерергә булганнар. Иске Торҗа авылы халкы да нәкъ шундый карар кабул иткән. Вак таш түшәү эшен районныӊ «Сельхозхимия» оешмасы башкарган. Гомуми эш күләме 1 миллион сумга якын төшкән, үзара салым акчасы җитмәгән өлешне «Борнак» хуҗалыгы түләүне үз өстенә алган. Менә шулай бергәләшеп, үз авылыбыз безгә кирәк, дип эшләгәндә матур, уртак нәтиҗәләргә ирешергә була шул.