Грант отарга теләсәӊ – социаль һәм мәдәни проектлар конкурсында катнаш.

Ильнур, 28 март 2015 - 06:41

2430

26нчы март көнне Татарстанда "РИТЭК" җәмгыятенең "Лукойл" хәйрия фонды үткәрүче социаль һәм мәдәни проектлар конкурсына старт бирелде. Аның максаты - көнүзәк социаль проблемаларны хәл итәргә тырышучы коммерцияле булмаган оешмаларга ярдәм итү.

Грант отарга теләсәӊ – социаль һәм мәдәни проектлар конкурсында катнаш.

Бу конкурсның республика өчен ни дәрәҗәдә мөһим булуын Татарстан Президенты вазыйфаларын башкаручы Рөстәм Миңнеханов һәм премьер-министр Илдар Халиков та әледән-әле ассызыклап тора.

Әлеге чара беренче мәртәбә 2010нчы елда уздырылган иде. Дүрт ел эчендә бәйгегә барлыгы 2615 гариза кабул ителгән. Җиңүчеләрнең гомуми саны исә - 441. Шушы вакыт эчендә җиңүче дип табылган проектларны тормышка ашыруга барлыгы 91 миллионга якын акча сарыф ителгән.

Узган ел безнең районнан 9 проект катнашып, шуның икесе: "Факел" яшүсмерләр клубы - 150мең, "Наз" халыкка социаль хезмәт күрсәтү үзәге 50 мең сумлык Грант откан иде.

- Бәйгедә коммерцияле булмаган оешмалар, дәүләт һәм муниципаль берәмлекләр, җирле үзидарә органнары һәм массакүләм мәгълүмат чаралары катнаша ала.

Конкурска гаризалар августка кадәр кабул ителә. Ә сентябрьдә җиңүчеләр билгеле булачак.

2015нче ел республикада "Парклар һәм скверлар елы" дип игълан ителде. Шулай ук Бөек Ватан сугышында Җиңүнең 70 еллыгына да игътибар зур булачак, - дип белдерделәр конкурсны оештыручылар.

Фото: http://len-journal.ru/2013/11/20/grant-2/