Җиләк җыясыӊмы? (фото)

Дөрестән дә авылда, печәнгә кереп китәр алдыннан бушанып торганда, бар халык җиләк җыю кәсебенә кереште. Тәме һәм дәвалау үзенчәлеге белән данлыклы каен җиләгенеӊ вакыты үтеп тә бара бугай. Соӊгы елларда безнеӊ якларда бик очрамаган бу җиләкне җыюныӊ әмәлен хәзер таптык, Мари урман-кырларында райондашларыбызны күпләп очратырга мөмкин. Инде җир җиләге җыю вакыты. Тау битләренеӊ кояшка караган якларында җиләк өлгереп, көя башлаган булса, башка урыннарда әле пешеп җитмәгән. Еланнардан, ерткыч хайваннардан саклану чараларын күреп, җәйнеӊ безгә татлы бүләген күп итеп җыеп, исән-имин үзебезгә ашарга язсын.