Йон эрләми...ләкин чәк-чәк пешерә

Авыл җирлегенә интернетның үтеп керүе кызларыбызны-киленнәребезне, әниләребезне һәм дә әбиләребезне эшкә өйрәтә....Хәзерге буын ялкау, йон эрләми, оекбаш бәйләми диясе юк, алар бүтәненә оста - чәк-чәк пешерә, каз каклый, чәч кыстыргычлары ясый, торт пешерә, тырнак буйый, чәч ясый... Замана адәм баласын акча эшләргә өйрәтә ахырысы... Акча юк дип елап утыру модадан чыкты, үзең эшләп тап дип авызыңны бик тиз ябарлар. Чөнки хәзер кул хезмәте белән үзенә табыш китерүчеләр бермә-бер күбәя...туйларга нинди матур итеп аксессуарлар ясап бирәләр, казлар бизиләр, балаларга туган көннәргә кондитер әйберләрдән тортлар ясыйлар, хәтта гөбәдиясен, чәк-чәген пешереп бирәләр... Бар да матур, тәмле, күз явын алырлык, телеңне йотарлык...