Якты, матур, кадерле бәйрәм җитә!

Ул да булса Әниләр көне! Әниләр бәйрәме! Халыкара әниләр көнендә җырлар, шигырьләр дә бары әниләребез турында гына булачак. Районыбызда ел да хөрмәткә лаек әниләрне район үзәгенә җыеп кунак итәләр, быел да ул 25 ноябрь көнне район мәдәният үзәгендә үтәр дип көтелә. Күпбалалы ике әниебезне Татарстан Республикасының дәүләт бүләге - "Ана даны-Материнская слава " медаленә дә тәкъдим иттеләр, алар Балтачтан биш бала әнисе Гүзәл Галимова белән Бөрбаштан 7 бала әнисе Тәслимә Шәйхетдинова. Әниләргә барыннан да бигрәк үз балакаеннан булган бәйрәм хөрмәте кадерле, шуңа күрә, бәйрәм җитәсен оныйтмыйк, БАЛАКАЙЛАР!