Балачактагы «пирожки» рецепты

Бәләкәй чакта аш-су бүлмәсендә бөтерелгән әниегезне хәтерлисезме? Кышын кич кенә өшеп, урамнан керәсең, ә өстәлдә яңа гына майда кыздырылган "пирожки"лар! Хәтерегездә булса, әниләр камырны безнең кебек чүпрә салып кабартмый да иде. Менә шундый рецепт тәкъдим итәбез.

Камыр өчен:
0,5 литр җылы кефир,
1 чәй калагы сода,
2 чәй калагы шикәр,
1 чәй калагы тоз,
3 стакан он,
3 аш кашыгы үсемлек мае.

Камырны басып, бер сәгатькә суыткычка куярга кирәк. Шул арада бәрәңгедән измә ясыйбыз. Камырны шарларга бүлеп, эченә измә салып, "пирожки"лар ясыйбыз да майлы табада кыздырабыз.

Чыганак

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.