Гаеткә коймак рецептлары

Мич коймагы рецепты.

Өчтән бер өлеш 100 граммлы «Люкс» чүпрәсе, 800 грамм су, 100 грамм сөт (яки 500 грамм су, 500 грамм сөт), 2 йомырка, 1 аш кашыгы майонез, 2 аш кашыгы тоз, 3 аш кашыгы шикәр комы, он.

Куе итеп камыр ясыйбыз. Камыр кабаргач, газ өстендә башта коймакның астын пешереп алабыз, аннан соң грильдә өстен пешерәбез.

Тәмле коймак рецепты.

Камыр ясар өчен кирәк булачак: бер чокыр кайнар су, бер чокыр сөт, чүпрә (мин чама белән коры чүпрә салдым), тәменчә тоз, тәменчә шикәр комы, 2 йомырка, он.

Барысын бергә болгатып, куе камыр ясыйбыз һәм аны җылырак урынга кабартырга куябыз. Камыр кабарганнан соң тагын бер кабартып алсагыз, ул тагын да тәмлерәк булачак.