Карабодай файдалы ул, аны ашарга кирәк

“Карабодай боткасы иң файдалы боткаларның берсе инде, тик балалар аны ашамый”, дип әйтүче әти-әниләр аз түгел.

Карабодай аксымга, Р һәм В витаминнарына бай. Шулай ук составында калций, фосфор, тимер кебек микроэлементлар, алма һәм лимон кислоталары бар. Андагы фолий кислоталары организмның каршы торучанлыгын арттыра.

Күбрәк диетик ризык буларак билгеле. Шуңа да суга пешерелгән карабодай боткасын шикәр чиреннән, артык юанлыктан интегүчеләргә киңәш ителә. Мондый ботка кан тамырларын ныгыта, организмнан шлакларны, башка төр зарарлы матдәләрне, шул исәптән артык суны чыгара.