Ә сез кабактан ниләр пешерәсез?
Кечерәк ярты кабакны чистартабыз, шакмаклап турыйбыз да, майлаган табага салабыз, фольга каплап, пешәргә куябыз.
4 йомырка, 1 стакан шикәр комы, чама белән тоз, уксуста сүндерелгән чәй содасы, 1 аш кашыгы балны бергә болгатабыз.
Пешкән кабактан пюре ясыйбыз һәм әзер массага салабыз. Аз-азлап, коймак камыры хәленә җиткәнче он кушып, болгатабыз һәм духовкага куябыз.
Теләгән кеше корица яки ваклаган әстерхан чикләвеге дә куша ала. Бик тәмле пирог килеп чыга.
Чәйләрегез тәмле булсын!
Нет комментариев