«Активист» күмәк хуҗалыгы хезмәтчәннәренә премияләр тапшырылды (фото)

Агросәнәгать комплексы һөнәри берләшмәсенең район комитеты да авыл хуҗалыгы җәмгыятьләре кырларына чыгып, урып-җыю эшләрен куркынычсыз шартларда алып бару, хезмәтне саклау таләпләрен үтәү, басуларда туклануны оештыру темасына әңгәмәләр үткәрә.

«Активист» күмәк хуҗалыгы хезмәтчәннәре — профсоюз әгъзаларына район профсоюз комитеты рәисе Марина Ишмурзина шушы көннәрдә премияләр тапшырып узды.

«Активист» җәмгыятендә хезмәт куючы Федоровлар гаиләсе династиясен аерым билгеләп узасы килә. Гаилә башлыгы — олы тәҗрибәле комбайнчы, өлкән улы студент-стипендиант та әтисе үрнәгендә намус белән хезмәт куя. Кечесе — комбайнчы ярдәмчесе булып тора. Федоровлар гаиләсе династиясенә дә агросәнәгать профсоюзының район комитеты исеменнән премияләр бирелде" , — дип хәбәр итте район профсоюз комитеты рәисе Марина Ишмурзина.

Чыганак

Район тормышына кагылышлы иң мөһим яңалыкларны безнең Макс каналыннан да белә аласыз!