Хезмәт

100 ар тырмиз

100 ар талэсь азьло 1919 арын 5 толшоре Ципья черкогуртын «Шунды» труппаен Кузебай Гердлэн кивалтэмезъя удмурт кылын нырысетӥзэ «Люгыт сюрес вылэ» спектакль пуктэмын вал.

Кузебай Герд ачиз но та спектакльын нылкышнолэсь рользэ шудэ, дӥсяськемын луэ асьмепал нылкышно удмурт дӥсен (туспуктэмын нылкышноослэн шор радазы паллянысен куинетӥез).

«Артистъёс сокем умой шудо, ӟучъёс но паймизы. Учкисьёс шумпотӥзы. Тау каризы спектаклез дасясьёслы. Бӧрдыса учкисьёс но вал». Озьы гожтэ соку «Гудыри» газет.

Асьме ёросмы понна но, огъя вераса, вань калык понна но, та бадӟым значимой событие. Тае лыдэ басьтыса, кылем 2018-тӥ арын тулыспалэ удмурт клубъёс куспын спектакль пуктонъя конкурс ортчытэмын вал. Удмурт кылын пуктӥськем спектакльёс пӧлысь тужгес висъяськымон луизы Карек-Серма но Вуж Турья гурт клубъёсысь артистъёсын возьматэм спектакльёс.

Василий Никитин

Туспуктэм «Гудыри» газетысь, 4 февраль, 1919 ар

Реклама
Теги: театр
Нравится
Поделиться:
Реклама
Комментарии (0)
Осталось символов: