Хезмәт

Балтач районы

18+
2024 - Гаилә елы
Азьлане

23-тӥ инвожое Ӟаны гуртысь Анна Дмитриевна Анисимовалы 90 арес тырмиз

Трос аръёс ӵоже Шор Кушкет гуртын улӥсь кышномурт лыктэм куноосты — ТР-ысь 6-тӥ ӧтчамысь Кун Кенешлэсь депутатсэ Камиль Нугаевез, Балтась ёрослэсь главазэ Рамиль Нутфуллинэз, социальной дурбасьтонъя отделлэсь кивалтӥсьсэ Алсу Гатиятуллинаез, Шор Кушкет гурт поселенилэсь главазэ Юрий Перфиловез, «Дуслык» обществолэсь кивалтӥсьсэ Николай Колоколовез шумпотыса пумитаз

 «Монэ сыӵе бадӟым карыса ӟечкыланы лыктэмдылы пумтэм тау карисько. Табере, йыры ӵем висе ке но, 95 аресозь улыса, нош ик тӥледыз юбилеям витёно луоз ини», — серекъяса вера Анна Дмитриевна. Куноос юбилярлы трос кузьымъёс вуттӥзы, озьы ик Россилэн Президентэзлэсь ӟечкылан открытказэ, Балтась муниципальной районлэн главаезлэсь Таукарон гожтэтсэ кузьмазы.
Улон-вылонэз сярысь вераськыку, чылкак удмурт кылын вераськись нылкышно вераськон кусып син шорам учкыса вераз: «Мон ачим удмурт ӧвӧл ук — ӟуч мон. Но татын (Шор Кушкетын – ред.) сомында ар улыса ини удмурт кылэз но, бигер кылэз но умой тодӥсько».
Зэм но, Анна Дмитриевна ӟуч вылэм. Вордскемын со Киров улосвылысь Бутарино гуртын. Школаын сизьым классэз йылпумъяса, егит ныл Савалиысь техникуме дышетскыны пыре, агрономлэсь ӧнерзэ басьтэ (кинлы гинэ кылдэм ай 1950-тӥ аръёсы ӧнер басьтыны!. 1954-тӥ арын Анна Дмитриевна уж утчаса асьме ёросамы вуэ. Агроном луыса ужа со азьвыл, «Труд», «Марш», Ворошилов нимо колхозъёсын. Пенсие потытозяз пӧртэм ужъёсты быдэсъясь но луэ. Анна Дмитриевна Ѓаные улыны выжемез бере, со араз ик аслэсьтыз яратонзэ но шедьтэ — Мефодий Васильевичез. Кема улытэк, соос семья кылдыто. Анисимовъёслэн вить нылпиоссы вордско — Любовь, Валентина, Василий, Елена, Генриетта. Анна Дмитриевналэн кузпалыз но гумырыз ӵоже гурт удысын ужам — колхозын тракторист луэм. Вить ар талэсь азьло Мефодий Васильевич югыт дуннеен люкиськем.
— Кузпалэным тупаса улӥмы. Со но ужаз, мон но ужай. Но мон вазь пенсие потӥ — нылпиосты кинлы ке но учконо вал ук, нылпи садъёс соку ӧй вал. Озьыен, дипломе луыса но, 50 аресэн пенсие потӥ, — вера Анна Дмитриевна.
Туннэ нуналэ юбиляр туж узыр песянай ини — солэн 13 внукез но 14 правнукез вань. Семьяязы, Ѓаныын, соос вить кузя уло — Анна Дмитриевна, пиез Василий (мукет нылпиосыз асьсэ семьяосынызы уло), кенэз Светлана, Марина но Лариса внучкаосыз. Василий пиез «Дуслык» обществоын скал кыскись луыса ужам, туэ дано шутэтсконэ потэм (нялтас вераса, Василий Мефодьевич ёросамы одӥгез тодмо луись донор но).
— Тазьы улэм бере, Инмарлы тау. Ачим ураме потыса ветлыны но быгатӥсько али. Ваньмыз умой, ӝожтӥськыны нокыӵе мугъёсы ӧвӧл, — пальпотэ юбиляр. Самой матысь адямиосы дорам бере, шумпотон понна нош мар кулэ на? — йылпумъяса вера Анна Дмитриевна.
Зэмзэ но — нылпиосыз вӧзысьтыз уг кошко, кенэз умой, внукъёсыз вӧзаз. Шумпотон понна мӧйы муртлы нош мар кулэ на? Таза гинэ луэ, Анна Дмитриевна!

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев