«Айкайлы» — 30!
Оскымон но ӧвӧл кадь! Яратоно «Айкаймылы» — 30 ар! Та дано лыдпусэн валче Ижкарын фольклор кырӟанъя но эктонъя «Айкай» кун театрлэн, юбилеезлы сӥзьыса, бадӟым концертэз ортчем вал.
Шумпотымон, та синпель ужрадэ куно луыса пыриськизы Татарстанысь удмуртъёслэн НКА-зылэн тӧроез Андрей Сергеевич Герасимов но асьме Балтась ёросысь исполнительной комитетлэн кивалтӥсезлэн воштӥсез Ильгам Фидаелевич Гайнутдинов. Соос «айкайёслы» Бигерысь удмуртъёслэсь, нош Ильгам Фидаелевич нимаз ик балтась удмуртъёслэсь, пӧсь саламзэс вуттӥзы, шуныт ӟечкылан кылъёссэс веразы но синпель кузьымъёсты кузьмазы. Озьы Ильгам Гайнутдинов удмурт лулчеберетэз азинтонэ бадӟым люкетсэ пыртэмез понна но театрзылы 30 ар тырмонэн валче фольклор кырӟанъя но эктонъя «Айкай» удмурт кун театрлэсь коллективзэ Балтась ёрослэн главаезлэн Таукарон гожтэтэныз пусйиз, ТАССРлы 100 ар тырмонлы сӥзем юбилейной медален но шумпоттӥз. Сюлмысь ӟечкыласьком яратоно «Айкаймес» юбилееныз! Выль пумиськонъёс, творческой азинсконъёс сӥзиськом.
Фото: https://vk.com/album186069874_274557860
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев