Хезмәт

«Бурнаке» ветлэммы сярысь

«Бурнак» обществое куное вуэммы бере, нырысь ик кивалтэтэн хозяйствоысь ужъёслэн мынэмзы сярысь вераськимы, адямиосынызы тодматскимы.

Собере сюрес кутӥмы машинно-тракторной парке. Шумпотымон, татын бигерез но, удмуртэз но, ӟучез но — ваньзы — тупаса ужало вылэм. Карек-Серма гуртысь «Бурнак» обществоын тыршись кӧня ке ужасьёсынызы милемлы но тодматскыны удалтӥз. Но, зэмзэ ке верано, милемлы татысь ужасьёс возьдаськисесь, вераськисьтэмесь кадь потӥзы. Тани механизатор Владимир Александрович Якимов ачиз сярысь но, ужамез сярысь но возьдаськыса гинэ, мултэссэ вератэк мадиз.

Владимир Александрович «Бурнак» обществоын 1990-тӥ арысен ужа вылэм ини. Нырысь со вордскем гуртаз, Карек-Сермаын, фермаын слесарь луыса ужам. Отын кема тыршымтэ — Владимир Александровичез Бурнаке ужаны ӧтиллям. Ини кема аръёс ӵоже со татчы ужаны ветлэ вылэм. Толалтэ слесарьлэсь но сварщиклэсь ужъёссэ быдэсъя, нош гужем комбайнэн ужа. Сезон ужъёс дыръя тыршись механизатор дораз уйин гинэ бертыса вуэ. Соин дорысь ужъёсыз кузпалэзлы кылё. Кылем арын Владимир Александровичлы  выль «NOVA-340» комбайнэз но оскиллям.

Комбайнзэ учкон но со вӧзын механизаторез туспуктэме уськытон понна техника пала вамыштыку, Владимир Александрович паркын сылӥсь одӥгез комбайн пала учкыса, вераз:

— Туннэ нуналэ та комбайнэз вузаны дасяськомы. Асьмеос радъяськомы, ремонтировать кариськомы. Али тани кизён машинаез (сеялкаез) ремонт карыны косӥзы. Мон ведь ремонтной звеноын но ужасько.

Озьы шол. Татын котькудӥз ужась «универсальной» ӧнерчи. Кивалтӥсьёс кыӵе гинэ ужез быдэстыны ӧз косэ — ваньзэ дыраз но радызъя ужало. Куспазы но тупаса ужало. Владимир Александрович, кылсярысь, аслаз гуртоеныз, Николай Асаковен, ӵош ужа. Бигер эшъёссы но вань татын. Соосын но огъя кыл шедьтыса ӵош ужало. Нуналлы быдэ воргоронъёсты автобус ужаны ветлытэ, столовойын ческыт сюдо — ужа но ужа гинэ.

— «Бурнакын» кема аръёс ӵоже ужасько ини. Туэ тани Алёша пие но татчы ужаны интыяськиз. Комбайнэн монэным ӵош юрттӥсе луыса ужаз. Али но тӥни ремонт ужъёсын выре, — шуиз но Алёша пиез пала чиньыеныз возьматӥз Владимир Александрович.

Ужезлэсь куспетӥ каронтэм, Алёша доры ӧм мынэ. Гуртысь улонэз матын карыса, городысь вордскем Карек-Сермаяз бертэм егит пи. «Бурнакын» егитъёсты пальпотыса пумитало шол. Та сярысь обществолэн кивалтӥсез Рафкат Назипов милемыз пумитакуз ик верам вал ини. Нялтас вераса, татчы Карек-Серма но Вуж Турья гуртъёсысь трос ӵошен ужасьёс ветло. Обществоен кивалтӥсь ватытэк вера: ачиз татын вордскем бере, Бурнакысь но, матын гуртъёсысь адямиос но солы матын йӧто. Соин со кыдёкысен ужасьёсты утчатэк, «асьсэ» адямиоссэ ужатыны тырше. Нош одӥгез сыӵе ужасез — Николай Александрович Копаров. Сое машинаез дорын ужан вакытаз шедьтӥ.

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: