Егорова Евдокия Ивановна — Вылын Ушма гуртысь тужгес арлыдо песянай. 16 толшоре со аслэсьтыз 95 аресъем юбилейзэ пусйиз
Та нуналэ гажано юбилярен артэ вал солэн тужгес матысь адямиосыз — нылпиосыз, внукъёсыз но ӵыжы-выжыосыз
Озьы ик бадӟым но дано лыдпусэныз песянаез ӟечкыланы вуизы ёросысь гажано куноос но: исполнительной комитетлэн кивалтӥсез Айдар Хайрутдинов, социальной дурбасьтонъя ёзэтлэн кивалтӥсез Алсу Гатиятуллина, "Сурнай" обществолэн тӧроез Тауфик Гилязов но Покчи Лӧзя гурт поселенилэн главаез Сергей Мухин. Лыктэм куноос, Евдокия Ивановнаез сюлмысь ӟечкыласа, асьсэлэсь шуныт но чебер сӥзёнъёссэс веразы, синпель кузьымъёссэс кузьмазы.
Вылын Ушма гуртын гинэ ӧвӧл, огъя Покчи Лӧзя гурт поселениея но Егорова Евдокия Ивановна туннэ нуналлы тужгес кема улӥсь луэ вылэм. Вордскем со 1927-тӥ арын Шор Ушма гуртын трос нылпиё семьяын. Улыса-вылыса Евдокия апай ачиз но трос нылпиё анай луэ. Иван кузпалэныз соос сизьым нылпи вордо. Нош туннэ нуналэ гажано песянай 14 внукеныз, 12 правнукеныз но 1 праправнукеныз данъяськыны быгатэ ини.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев