Гажано лыдӟисьёс!

— Кин чидатэк вите ини «Удмурт шыкысысь ваньбуръёс» Сборниклэсь потэмзэ!

— Кин пыриськиз 1992-2002-тӥ аръёсы «Азьлане» газет пыр яке мынам вазиськемея вашкала кырӟан люкан уже!

— Кин юрттӥз Сборниклы материал люканы!

— Кинлы тунсыко историмы но удмурт культурамы!

— Кин яратэ шулдыръяськыны!

Ваньдэсыз витисько 30 августэ 19.30 часэн Сырья клубын бадӟым пумиськонын!

Пумиськонэ пыриськисьёсты витё:

1. «Шошма удмуртъёслэн кырӟанъёссы, эктонъёссы но шудон-шулдыръяськонъёссы: Удмурт шыкысысь ваньбуръёс» Сборниклэн 1-тӥ томезлы презентация;

2. «Шошма удмуртъёслэн сюан радъёссы» видеофильмлэн премьераез;

3. «Шошма удмуртъёслэн кырӟанъёссы, эктонъёссы но шудон-шулдыръяськонъёссы: Удмурт шыкысысь ваньбуръёс» — 1-тӥ томезлы аукцион;

4. Тыр ӝӧк сьӧрын — ӝӧксьӧр кырӟанъёс;

5. Кубыз, баян шудэмъя юмшан.

Сборникез бадӟым тиражен поттон понна кулэ бадӟым уксё. Кабинетъёс кузя кураськыса ветлыны, оло, капчигес луоз шуыса но туспуктэмъёслэсь ӟечлыксэс эскерон муген, поттэмын 10 быртык книга. Книгалэн асдуныз 5500 манет. Аукционэ понӥське 5 быртыкез. Книга лэсьтэмын А4 (210x297) форматэн, 734 бамен, 800-лэсь трос туспуктэмъёсыз, кык аудио но кык видео дискъёсыз. Дискъёсысь узырлыкъёссэ кылзыса но учкыса быдтон понна, одӥг суткалэсь трос дыр кулэ луоз!

Бадӟым пумиськонэ пырон дун — 100 манет. Люкам коньдон кутӥськоз кунояськон ӝӧкмес тыро карон понна. Пумиськон радъяське «Доброволец России — 2019» Всероссийской конкурсэ пыриськем улсын.

Сырья завклуб Леонид Сапожников