Гурласа ортчиз концерт (+фото)

25 ноябре Анайёслэн нуналзылы сӥзьыса, Сузнер гуртын гурласа концерт ортчиз. Кыӵе бен быгатыса, тыршыса пӧртэм чебересь номеръёс возьматӥзы нылъёс. Нылъёс шуэмысь, та концертэ анайёс но пыриськизы, покчи классын, шоръёзо, бадӟым классъёсын дышетскисьёс но, нылпи садэ ветлӥсьёс но, егит нылъёс но, егит мызганчимы но. Котькуд концертэ пыриськись аслэсьтыз быгатонлыкъёссэ возьматыны тыршиз. Школаын дышетскись нылъёс пӧртэм эктонъёсты эктӥзы: удмурт, ӟуч, туала но мукет. Чузъяськизы анайёс сярысь жингрес кырӟанъёс, кылбуръёс. Залын пукись калык трос ик ӧй вал ке но, кичабконъёс кужмо кылӥськизы.

Сяме пыӵамъя, концерт бере мызган гур улсын фойеын калык шулдыръяськыса пӧртэм эктонъёсты ыстӥз. Нош концерт возьматӥсьёс понна клублэн заведующиез, Маркова Таисия Юрьевна, узыр ӝок дасяса, чай юон радъяз. Милемыз бадӟым кариз. Туж бадӟым тау солы. Пумаз ини 80-тӥ, 90-тӥ аръёсысь кырӟанъёсын дискотека вал. Кин мылкыд кариз, ваньзы эктӥзы. Со ик дыре ӝок сьӧрын пукисьёс мызган шудэм улсын кырӟанъёсты но кырӟаса пукизы. Собере соос но дискотекае пыриськизы, ӧжыт эктыса жадемзы бере, нош ик мызган кутыса юмшазы. Синмаськымон егит пиослэн но быгатыса, мылысь-кыдысь эктонэ пыриськемзы. Туж шумпотымон, егитъёс но таӵе ужрадлэсь палэнэ уг кылё шуыса. Гуртлэн азьпалэзлы соос оскон сёто.

Ольга Матвеева