«Каньыл сюрес — каньыл семья!»

Конкурслэн ужпумез — сюрес вылын ветлон правилоосты семьяен ӵош быдэстон, урамын, общественной транспортын, улоно зонаосын астэ шонер возён сямез пыӵатон.

Конкурсэ витиськом туспуктэмъёсты, кудъёсаз семьялэн членъёсызлэн дӥсязы световозвращающей элементъёссы возьматэмын, яке соослэн пыдын ветлӥсьёслы чаклам выжон интыостӥ потэмзы, яке машинае пуксьыку куронъёсты быдэстэмзы. Туспуктэмъёсты 30 ноябрёзь кутӥськом. Туспуктэмъёсты сайтэ ... ссылкая асьтэлы интыяно. Со понна «Предложить нового участника» кнопкае нюртоно, асьтэ сярысь информациез но конкурсэ туспуктэмдэс кельтоно. Сайтлэн редакторез тӥлесьтыд уждэс учке но, со куронъёслы тупа ке, сайтэ поттэ. Нош уг ке, Тӥледын кусып радъяно луэ, соин телефон номердэс шонер гожтыны куриськом.