Хезмәт

Балтач районы

18+
2024 - Гаилә елы
Азьлане

Кутскон сётӥзы

Кушкетын ортчем Семык шулдыръяськон сярысь нокызьы но гожтытэк кельтыны уг луы. Угось ӵапак та гуртын нырысетӥзэ Щербакова Светлана Петровналэн тыршемезлы луыса радъямын вал таӵе ужрад — «Гуртлэн нуналыз».

Туэ но туж шулдыр ортчем Семык шумот Кушкет гуртын. Люкаськиллям вань гуртоссы: пиналэз но, егитэз но, арлыдоез но. Палэнысь гуртъёсысь но гажаса лыктӥллям куноос: гондыргуртъёс, ярак-чурмаос, лӧзяос, сырьяос, сизнеръёс но мукетъёс... Ваньзэсты сюлмысь гажаса пумиталлям ческыт нянен но удмурт аракен. «Ваньмыз вал татын: ческыт ӝук, табань, шашлык, пайдаё турын-куаръёсын чай, шулдыр концерт. Концерт бере тунсыко шудонъёс ортчизы: куасэн бызьылӥзы, гынсапег куязы, пуйыен бызьылӥзы, горшок пыргытӥзы но мукет. Тужгес тунсыкоез вал парсьпи кутон. «Яна тормыш» общество та ужрадлы кык парсьпи висъям. Кушкетъёс умой малпаллям: кышномуртъёс нимаз, воргоронъёс нимаз парсьпи понна «нюръяськизы».

Кушкетын но, Кутешын кадь ик кулэмъёсты буре вайыса тӧдьы шаръёсты инбаме лэзиллям. Озьы ик гуртысь тужгес мӧйы адямиосты пусйиллям. Соос — Карабаев Пётр но Мартынова Елизавета. Берло вордскем нылпиос — Тарасов Роман но Туктарова Енисия — сярысь но вунэтӥллямтэ. Тужгес егит семья луыса Кристина но Аверьян Туктаровъёслэн семьязы пусйиськем. 25 ар валче улэм паръёсты — Тамара но Иван Соловьёвъёсты, Ольга но Вадим Николаевъёсты но — данъяллям. Огъя вераса, нокинэ но кур кариллямтэ.

Валамон, таӵе ужрадэз радъяны-ортчытыны дасяськыку, нырысь ик коньдон ужпум сярысь малпаськоно луэ. Спонсоръёстэк таӵе учыре нокызьы но уг луы. «Туж бадӟым тау «Яна тормыш» обществолэн директорезлы Магсумзян Равилович Сайфутдиновлы. Со кык парсьпи сётӥз, сӥлен но кеньырен, озьы ик коньдонэн юрттӥз. Нимаз ик бадӟым тау кылъёс верасько асьме гуртомылы — Пётр Павлович Даниловлы. Со но коньдонэн юрттӥз. Нимаз ужбергатӥсь Колоколова Зоя Александровна, гурт поселенилэн кивалтӥсез Гарипов Ринат Гарафутдинович, йӧл люкасьёс но уксё сётӥзы. Соловьёва Мария Харитоновна атассэ ӧз жаля, солы но тау, — сюлмысьтыз тау каре Кушкет клублэн кивалтӥсез Светлана Петровна Щербакова.

«Гурт калыклы туж бадӟым тау. Туж мыло-кыдо пыриськизы та праздникез ортчытонэ. Нимаз ик пусйысал егит пиосты, воргоронъёсты. Туж юрттӥзы, гуртмы сярысь презентация гинэ но дасяллям вал. Асьме гуртысь покчиёзо школаысь но Ӟаны школаысь дышетӥсьёс туж юрттӥзы. Ӝук пӧзьтӥзы Самсонова Людмила Петровна но Кидалашева Клавдия Ивановна, табань пыжиз Попова Елена Николаевна, шашлык дасяз Кобылкинъёслэн семьязы. Соослы но ваньзылы туж бадӟым тау. Калыкез шулдыртон понна сюлмысь тыршизы ужрадэз нуисьёсмы — Ольга Николаева но Наталья Исаева, озьы ик мызганчиос — асьме гуртомы Алексей Павлов, Сизнерысь Артём Антонов, Ципьяысь Алексей Зубарев. Соослы нимаз ик туж бадӟым тау. Калыкез шулдыртыны, капчи мылкыд кузьманы быгатӥзы, — ватсаз на Светапай.



Туспуктэмъёсыз Татьяна Клеймёновалэн.

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Галерея

Оставляйте реакции

4

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: Семык