Кырӟаны яратӥсь нылаш 

«Со милям пичи дырысеныз ик кырӟаны яратэ вал. Трос дырзэ песянаеныз ортчытылӥз. Малы, дыр, туж яратылӥз со магнитофон кылзӥськыны. Анайзые али ке но серекъяса вера, Алёнаен ӵош ачим но трос кырӟанъёсты дышетски шуыса», - вера Алёналэн анаез, Риммапай, Ӟаны гурт библиотекалэн заведующиез. 
Школае дышетскыны пыремез дырысен со сценаын шуи ке, янгыш уз луы, дыр. Ӟаныын кемалась ини музыкальной школалэн филиалэз ужа. Кырӟанэн но крезьгурен тунсыкъяськемзэ адӟыса, анай-атаез Алёнаез отчы ветлытыны кутско. Кылем арын со домра но фортепиано классэз умой гинэ йылпумъям. Со сяна, тани куинетӥ арзэ ини, Балтась посёлоке арнялы огпол ветлыса, Гузель Раисовна Аскарова дорын вокалъя урокъёс басьтэ, ас быгатонлыкъёссэ эшшо но паськыт усьтэ. 
Алёнаез вормонэныз сюлмысен ӟечкыласьком! Та вормонэз берпуметӥез медаз луы, азьланяз но азинсконъёс сюресчи мед луозы! 
                                                                                                                                            Ольга Плотникова