«Мудорвай» - 2022 йылпумъяськиз
23-тӥ толсуре Казаньысь Калыкъёслэн эшъяськон юртазы «Мудорвай» улоскуспо конкурслэн гала-концертэз ортчиз.
Азьвыл вераськеммы вал ини, туэ конкурс аслэсьтыз географизэ паськытатӥз шуыса, асьме элькунысь нылпиос сяна, туэ отчы Удмуртиысь пиналъёс но мыло-кыдо пыриськизы. Озьы ик вожвылъяськонэ пыриськемъёс пӧлын Башкортостанысь нылпиос но луиллям. Нош вожвылъяськонлэн гала-концертаз пыриськиллям Татарстанысь 6 ёросъёсысь но Удмуртиысь Можга но Пичи Пурга ёросъёсысь Лауреатъёс. Та сярысь ивортэ Татарстанысь Калыкъёслэн эшъяськон юртсылэн ВКонтактеысь огинзы.
Гала-концертлэн дано куноосыз луиллям Татарстан Республикаысь Президентлэн Департаментэзлэн йӧскалык политикая управлениысьтыз внутренней политикая валтӥсь кенешчи Марина Иванова, Татарстанысь калыкъёслэн Ассамблеязылэн Кенешезлэн исполнительной комитетэзлэн кивалтӥсез Константин Яковлев, Татарстанысь Калыкъёслэн эшъяськон юртсылэн директорез Ирек Шарипов но Татарстанысь удмуртъёслэн НКА-зылэн тӧроез Андрей Герасимов.
Вань нылпиосты дипломъёсын но кузьымъёсын шумпоттӥллям, Тол Бабай но Лымыныл вуись Выль арен ӟечкылаллям.
Праздник ужрад Татарстанысь Йӧскалык музее ветлонэн йылпумъяськем.
фото: Удмурты Татарстана
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев