«Партизанъёс» вормиллям

Покчи Лӧзя шоръёзо школа та ласянь туж адӟем карымон. Я патриотической пуштросъем кырӟанъёслы конкурс, я атайёслы сӥзьыса чебер концерт программа дасяло отын. Туэ эшшо 23 тулыспалэ покчи классъёсысь пиос пӧлын педагог-организатор Галина Петрова «Богатырские потешки» шуэм тунсыко ужрад радъям. Пиос кык командалы («Партизанъёс» но «ВДВ») люкиськыса пӧртэм конкурсъёсын вожвылъяськиллям. Нош конкурсъёс трос луиллям: гозыен кыстаськон, пал пыд вылэ султыса пуйыен жугиськон, тросгес отжимание лэсьтонъя вожвылъяськон, чорыган. Озьы ик шулдыр музыкальной шудонъёс, викторина, военной кырӟанъёсты быдэстонъя конкурс но пиналъёслы туж кельшем.

Вожвылъяськон луэм бере, вормисез но луыны кулэ. Таяз учыре вормиллям «Партизанъёс». Но котьма ке но, кыксэ ик командаосты кузьымъёсын пусйиллям. Озьыен, нокин но та ужрадысь куашкам мылкыдэн ӧз кошкы, пиналъёслы ваньмыз туж кельшем.