Починкаын Быдӟым тыложе пыриськем ожгарчиослы синпелет пуктозы

Гуртоос огъя кенешыса таӵе малпанэ вуиллям. Тае радъян понна гуртын улӥсьёс Починкаысь но Новая Гора гуртысь (та гурт интыяськемын луэм Починка гурт дорын) оже пыриськем гуртооссылэсь списоксэ люказы, со понна трос адямиосын вераськыса, бадӟым уж быдэстӥзы. Но туннэ нуналэ вань ужъёс быдэстэмын ӧвӧл  на – куд-ог ожгарчиослэсь кулэм дырзэс тодоно. Синпелетэз пуктон уж борды матысь дыре кутскозы ни. Список бадӟым – татчы пыртэмын луозы ожын быремъёс но, ожысь вормонэн бертэмъёс но (огъя 100-лэсь тросгес адямиослэн нимтулъёссы). Интыяськоз синпелет Починка гуртлэн клуб дораз.