Покчи Лӧзя гуртын «Выль нянь сиён» праздник ортчиз
Ужрад «Күрше» элькун фестивальлэн люкетэз луиз
2-тӥ гудырикошконэ Балтась ёросысь Покчи Лӧзя гуртын «Курше» фестивальлэн «Курше. Мирас» шуыса нимаськем нимысьтыз ӵектосэз улсын удмурт сиён-юонлы сӥзем ужрад ортчиз. Праздник гуртоосты но куноосты узыр ӝӧк сьӧры люказ.
Тодады вайытӥськом: «Курше. Мирас» проект «Курше» фестиваль улсын радъяське но Татарстан Элькунлэн Раисэзлэн юрттэменыз сое Татарстанысь Каръёсты азинтонъя Институт улонэ пыӵатэ.
Выль нянь сиён нуналэ праздниклэсь кунооссэ удмурт йӧскалык сиёнъёслэн ческыт зынъёсынызы пумитазы. Кузёос мылкыд карисьёсты куноятӥзы перепечъёсын, мильымен, табанен, шу перемечен, ӝукен, пельнянен, ческыт чаен, мусурен но пӧртэм мукет ческыт сиёнъёсын.
Ужрадэ пыриськизы ёрослэн кивалтӥсез Рамиль Нутфуллин но солэн кивоштӥсез Наиль Сабирзянов. Рамиль Рашитович калыкез праздникен ӟечкылаз но ваньзэ умойзэ сӥзиз.
Покчи Лӧзя гуртын ортчем праздник — эшшо одӥгез пример, кудӥз возьматӥз «Күрше» фестиваль (бигер кылысь берыктыса — «бускель») аслэсьтыз валтӥсь ужпумзэ быдэстэ шуыса: ӟеч бускель кусыпъёсты юнматыны, лулчеберет йылолъёсты улӟытыны но элькунысь пичи гуртъёсын но каръёсын улонэз яркытгес но узыргес карыны юрттэ.
Праздник сярысь пыр-почгес — «Азьлане» газетлэн выль номераз.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев