Ике фура һәм ике җиңел машина катнашындагы авариядә дүрт кеше зыян күргән

Кичә Татарстанда дүрт автомобиль катнашында массакүләм юл-транспорт һәлакәте булган, дүрт кеше зыян күргән. Бу хакта "Татар-информ"га авария урынында булучылар хәбәр итә.

Юл-транспорт һәлакәте кичке унберләр тирәсендә М7 трассасының 924нче километрында булган. Түбән Яке авылы янында ике йөк машинасы Ford Focus һәм Лада Калина җиңел машиналары белән бәрелешкән.

Шаһитлар сүзләренчә, юл-транспорт һәлакәте нәтиҗәсендә ике пассажир, Лада йөртүчесе һәм КамАЗ йөртүчесе зыян күргән.

Хәзерге вакытта авариянең сәбәпләре ачыклана.

Район тормышына кагылышлы иң мөһим яңалыкларны безнең Макс каналыннан да белә аласыз!