Яшьләр утырган "Лада" идарәсен югалтып, каршы як полосага чыккан һәм ике машинага бәрелгән.
(Казан, 23 октябрь, "Татар-информ"). Казанның Салмачы бистәсендә җитди юл һәлакәте булган. Яшь егет һәм кыз имгән. Бу турыда шаһитлар "Татар-информ"га хәбәр итте.
Кичә кич белән бистәнең Үзәк урамында авария була. 12нче модельле "Лада" йөртүчесе тизлеген күпкә арттыра. Ул идарәсен югалта һәм каршы як полосага очып чыга. Бу машина каршыга килүче "Лада" һәм "Лексус" машиналарына бәрелә.
12нче модельле "Лада"ны йөртүче егет һәм аны пассажир кызы имгәнә. Аларны "ашыгыч ярдәм" белән хастаханәгә китерәләр.
Фото: очевидцы
Район тормышына кагылышлы иң мөһим яңалыкларны безнең Макс каналыннан да белә аласыз!
Нет комментариев