Продукцияне iOS һәм Android базасында смартфоннар өчен күчереп алырга мөмкин булган “Честный знак” (“Гадел билге”) кушымтасы ярдәмендә тикшерергә мөмкин
Маркетплейсларда (“Озон”, “Вайлдберрис” һәм башка төрле оешмалар), товар сатып алганда, кулланучы иң элек интернеттагы рәсемгә һәм сатучының тасвирламасына игътибар бирә. Бу һәрвакыт дөреслеккә яисә көткән нәтиҗәгә туры килмәскә мөмкин, ягъни теләмәгән товар алу куркынычы һәрвакыт бар.
Мондый вәзгыять теләсә кайсыбызда туарга мөмкин, шуңа күрә үз хокукларыңны белү мөһим. “Кулланучылар хокукларын яклау турында” РФ законының 07.02.1992 елгы 2300-1 номерлы 26.1 матдәсе сатып алучыга максималь ирек бирә: кулланучы товарны тапшырганчы теләсә кайсы вакытта, ә товарны тапшырганнан соң — җиде көн эчендә, ә аны китергән вакытта кулланучыга товарны кире кайтару тәртибе һәм сроклары турында язма мәгълүмат бирелмәгән очракта — товарны тапшырганнан соң өч ай эчендә товардан баш тартырга хокуклы. Конкрет интернет-кибет кагыйдәләре буенча кире кайтару вакыты арттырылырга мөмкин.
"Кулланучылар хокукларын яклау турында“гы законның 26.1 маддәсе нигезендә, кулланучы товардан баш тартканда, сатучы аңа кулланучы тарафыннан шартнамә буенча түләнгән акчалата сумманы, сатучының кире кайтарылган товарны кулланучыдан илтеп җиткерү чыгымнарыннан тыш, кулланучы тиешле таләп куйган көннән алып, ун көннән дә соңга калмыйча, кире кайтарырга тиеш. Ягъни, ошамаган сыйфатлы товарны кире кайтарганда, китерү бәясеннән башка бернинди башка тотып калулар да була алмый. Товарда җитешсезлек ачыкланганда гади кагыйдә гамәлдә — сатучыга дәгъва белән (маркетплейс аша) гарантия срогы (яраклылык срогы), хезмәт срогы дәвамында мөрәҗәгать итәргә мөмкин (әгәр алар билгеләнмәгән булса, дөрес вакытта, ләкин ике ел эчендә).
Бу хакта законның 19 маддәсенең 1 пунктында әйтелә. Экспертизаны мөстәкыйль рәвештә дә, товарны саткан маркетплейс көче белән дә үткәрергә мөмкин. Экспертиза нәтиҗәсендә бракны раслаганда сатучы оешма товарның тулы бәясен һәм әгәр ул кулланучы хисабына үткәрелгән булса, экспертиза үткәрүгә өстәмә чыгымнарны кап-лый. Проблемалы товарны сатып алудан саклану өчен, заказ формалашкан вакытта товарның тасвирламасын игътибар белән укырга, аның характеристикаларына игътибар итәргә, бәяләмәләрне, видео һәм сатып алучыларның фотосурәтләрен карарга киңәш итәбез. Гадәттә сатып алучы сатучыга конкрет товар буенча детальләрне ачыклау өчен сорау бирергә мөмкинлек ала (товар карточкасында ук). Моннан тыш, кайбер маркетплейсларда сатучының рейтингын карарга мөмкин, ул аның товарларының ышанычлылыгын һәм сыйфатын чагылдыра. Маркетплейслар аша аяк киеме сатып алганда, “Гадел билге” символы булган товар категориясенә игътибар итәргә киңәш итәбез. Һәр пар аяк киеме цифрлы маркировка белән тәэмин ителергә тиеш.
Бу Data Matrix форматындагы уникаль код (эчендә кара һәм ак квадратлар булган квадрат). Ул тартмага, ярлыкка яки товарга языла. Продукцияне iOS һәм Android базасында смартфоннар өчен күчереп алырга мөмкин булган “Честный знак” (“Гадел билге”) кушымтасы ярдәмендә тикшерергә мөмкин.
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев