«Хезмәт»кә языл һәм БОЗАУ от!

«Хәреф өйрәнгәннән бирле район газетасын, районым өчен горурланып укыйм. Бер хәрефен дә кадырмыйм, миңа 72 яшь. Киләчәктә дә гомер бирсен Ходай, балаларым, оныкларым белән бергә озак еллар укырга язсын иде. Амин!”

Фамилиям редакция өчен генә булсын, ди әлеге юлларны язган укучым. Эх, кызганыч, нинди матур сүзләр, ә авторын күрсәтергә ярамый. Ярамый тек ярамый, укучы сүзе закон. Рәхмәт сезгә, кадерле өлкәнебез, “Хезмәт”тән аерылмавыгыз өчен!

Балтачтан С.Гәрәева да “Хезмәтне яратуым – тормыш дип җан атуым” дигән канатлы сүзләр калдырып китте.

Сез дә язылыгыз, хөрмәтле дуслар, язылыгыз да квитанцияләрегезне “Хезмәт” газетасы редакциясенә юллагыз. Газетаның беренче битендә, иң өстә адресыбыз даими бирелеп барыла.